Google i pakënaqur me kërkimin në Vista

Mundësitë e integruara për kërkim të Windows Vistas fillimisht shfrytëzojnë makinën kërkuese të Microsoftit që këtë kompani e vendos në pozitë favorizuese para konkurrencës, vlerëson Google.

Zëdhënësi i Google-t, Ricardo Reyes, është i mendimit që kërkimi në Windows Vista në masë të madhe kufizon zgjedhjen e shfrytëzuesve. Natyrisht, Microsofti nuk pajtohet me këto vlerësime, dhe pohon se sistemi i integruar i kërkimit pas përfundimit të kërkimit, për dallim nga ai i Google-t, mundëson kërkim të përsëritur me ndihmën e makinave tjera të kërkimit.

Megjithatë, nuk duhet harruar që pajisja e Microsoftit vjen e integruar në sistemin operativ, përderisa atë të Google-t duhet instaluar më pas, që në të njëjtën kohë është poenta e krejt këtij tregimi. Microsoft, në anën tjetër, rëndësinë e instalimit të mëvonshëm tenton që ta zvogëlojë tërësisht.

"Besojmë se nuk ekzistojnë probleme në lidhje me kërkimin desktop në Windows Vista, por jemi të gatshëm të marrim parasysh mënyrat në të cilat do të mund të zgjidhnim disa nga vërejtjet", është përgjigjur në mënyrë diplomatike në vërejtjet e Google-t, zëdhënësi i Microsoftit, Jack Evans.